最後兩日 就要入去八鄉
要成為一位消防員

再分唔到對錯... ...

半年前 行o既o個條路 很難行
由我決定讀好書o個日開始 都有差不多四年
呢四年o既出現
係由再之前六年開始
好多冤枉路... ...

因為唔知前面條路點樣行 所以覺得好驚
方寸大亂
比上不足 比下有餘...
到左最決定性o既時刻 就只係得自己 作一個決定
去 或 留!

行曲線 比起 直線 難
但曲線一般都比較優美
我唔可以唔同意呢個講法
當中認識到好多朋友 並肩作戰
o係一o的夜靜o既時候回憶返起來
有笑有淚...
雖然最後都可能會得返自己一個
我都好開心可以同各位
做好朋友 同事 書友
我要做一個出色o既消防員

半年時間 一o的都唔長
但係知道好辛苦 時間應該會過得好慢
要是樂在其中 就最好不過~ 
有一個叔叔咁樣同我講過
[做o個一樣野 無使命感 會好痛苦]

我好同意 但係又好困惑
曾幾何時
搵到自己o既天份
希望o係o個一方面發展
但係自己無把握機會 
無投放時間落去
無好好珍惜過去o既機會
好後悔 好無耐...
對同錯 去或留 又o係個心入面 轉來轉去

我o既拯救工作
我有志成為一位拯救者
係由一個奇怪o既一日開始
由無助o既一天開始
眼前一個滿身血o既人 o岩o岩炒完單車
其他o既路人幫唔到佢 自己都係中四學生一個
完全唔識得點樣照顧佢 幫唔到佢 唔知點樣幫佢
只係識得幫佢推單車
又唔知點樣安慰佢... 由o個日
我就知道自己 根本就唔識點去照顧別人

但後來 現實歸現實 當中
我又發現 即使救返一個人 理論上 並唔等於解決一個問題
如果救o既係一個危害世界o既人
救o既係一個搞亂社會o既人
救左一個會殺害家人o既人
救左一個傷自己心o既人
或者救我自己

我 好希望 我o既生命 有意義 唔再白過
但其實係我為消防 還是係消防救我呢

十年前
行o的自己唔想行o既路 最後
愛上左當中o既幾個景點
眼見耳聽 有好多一齊長大o既人
行自己愛行o既路
走得幾逍遙 好羡慕

十年後 唔知會點呢
當所有青春過去之後
我回頭一看
我係死去活來
定一話係 白紙一張

好想好想
同佢地一樣 成為一個有用o既人
等左 好多年

到左 大學一年班第二學期
有一日 我發現自己再讀唔上 我回頭一看
我十年o既路有幾白費
好似行左上絕路咁
唔單只家人唔諒解
愛人離去
打擊得要緊
書還是要讀
路仍然要行
只有係咁飲酒 飲到可瞓都瞓
又白費左半年

之後o係泳池度做野暑假工
初初每個人o既眼神都話畀我知
佢地唔鐘意我
單單打打 無人理
惡言相向 到最後先發現
完來畀人點錯相...

我發覺 原來一直以來 別人睇法真係唔重要
最重要係 自己點樣睇
由o個一日開始 同佢地相處得好開心

當中幾為 成為左朋友
o係佢地身上學識左
[從來都沒有放棄]

我真係咁唸 我真係唔想再放個心o係o的
讀左唔知係乜 識左唔知有咩用o既野上面

我要行一條最鐘意o既路

好快 我知道其實係自己
一直都無將所有事放上心

經過左一年
一方面努力鍛鍊身體
一方面補返以前唔會o既o既科目
滿桌子上都係字典咁厚o既書
當中學到o既野真係唔少
最後所有野都合格晒 攞返個彩
只要肯堅持~ 無野難得到我地!

點解...